Unha vez rematada a tempada de verán, a concellería de obras, ao cargo da nosa portavoz Miriam Bermúdez, realiza traballos de mantemento e limpeza nas praias de Area e de Covas.

Como explica Miriam Bermúdez, na praia de Covas, “realizáronse traballos de mantemento na pasarela, arranxando as táboas en mal estado”, ademais de proceder á limpeza da rampa de acceso aos baños que están ao carón da parrillada.

No canto da praia de Area, houbo labores de mantemento e desbroce no paseo, ademais de limpar a zona despois duns meses de moita afluencia de persoas.

O obxectivo destas tarefas, explica a tenente de alcaldesa, é deixar os areais en boas condicións para a tempada de inverno”.