Esta mañá, estivemos en Celeiro na compañía dxs veciñxs, a deputada parlamentar Olalla Rodil e o deputado provincial Antonio Veiga, na concentración que convocamos para esixirlle á Xunta que amañe o emisario submarino e que sanee as deficiencias da EDAR. Ditas obras foron prometidas pola conselleira de medio ambiente, Beatriz Mato, nun convenio asinado co concello de Viveiro en setembro do 2016, e un ano e medio despois nin tan sequera se iniciaron.

Seguiremos instando ao concello de Viveiro a esixir á Xunta de Galiza o cumprimento do convenio. Por outra parte, Olalla Rodil pedirá explicacións polo retraso das obras á conselleira de medio ambiente no Parlamento de Galiza.

Grazas á colaboración de todos os veciños, a pesar do día que fixo, e en especial aos que se prestaron xunto coas súas embarcacións para despregar así a pancarta que dicía: A nosa ría non é un vertedoiro.