Desde o BNG de Viveiro lanzamos un formulario web para facilitar a participación da veciñanza na elaboración do noso programa electoral para as vindeiras eleccións municipais seguindo na liña destes 4 anos, escoitando e dando voz á veciñanza.

"Queremos elaborar o noso programa electoral do mesmo xeito que defendemos que se debe gobernar, escoitando e dialogando de maneira permanente coa veciñanza. Por iso queremos que todo Viveiro participe na elaboración do noso programa electoral, que participe desde o minuto un na política municipal", asegura Míriam Bermúdez.

O grupo nacionalista facilita un enlace na súa páxina web viveiro.bng.gal no que a veciñanza poda aportar ideas, propostas e achegas para a elaboración do programa cara as eleccións municipais do 28 de maio. 

"Queremos contruír entre todas e todos a alternativa para poñer un novo rumbo a Viveiro", en palabras de Míriam Bermúdez.