Dende o BNG de Viveiro levamos as seguintes iniciativas para este vindeiro pleno do 5 de abril:

Mocións

• É de xustiza a creación dun terceiro xulgado de Viveiro; con datos máis optimistas que os deste partido xudicial, téñense aprobado a creación de outros órganos das mesmas características en provincias como Madrid, Asturias, Cádiz ou Ciudad Real nos últimos tempos.
   

Rogos e preguntas
 

• Demandamos nas zonas de máis afluencia de Landrove medidas de seguridade e instamos ao goberno de María Loureiro a que nos diga que fixo nestes dous últimos mandatos por mellorara.
   
• En Celeiro, na zona dos Espiñeiros e na rúa Grande o mantenemento de estradas está ausente dende hai anos, requirimos ao goberno de María Loureiro uns traballos mínimos de mantemento, conservación e mellora das estradas municipais.
   
• Tendo en conta a proximidade da tempada de verán e coa semana santa á volta da esquina, queremos saber que trámites puido ter desenvolto o Equipo de Goberno para a habilitación da área para autocaravanas en Portochao, unha moción do BNG aprobada xa no pasado mes de xuño.