Este 25 de setembro, realizaranse as obras centradas na renovación dun colector de saneamento vello para suprimir un punto de verquido tras a estación de autobuses.
Dende o BNG levamos anos traballando para termos unha ría limpa e é agora cando podemos apreciar os froitos das nosas reivindicacións.

Miriam Bermúdez sinala que “tras décadas con ducias de puntos de verquido e un saneamento moi deficiente, a situación actual é moito mellor grazas ao noso traballo neste último ano. Aínda así, queda moito traballo por facer: a recepción da nova EDAR, que o concello asumirá en breves, ou a ampliación do saneamento nas parroquias. Son estes algúns dos nosos obxectivos prioritarios”.