Hoxe quedou configurado o novo goberno municipal do Concello de Viveiro. 

A alcaldesa, María Loureiro, ten asignadas ademais as áreas de Urbanismo e Seguridade Cidadá, mentres que Jesús Fernández levará Economía e Facenda, Mar, Participación Cidadá, Educación e Centros Socioculturais.

Míriam Bermúdez será a tenente de alcaldesa e encargase dos departamentos de Obras, Infraestruturas e Mantemento no medio rural, Parques e Xardíns, Cemiterio, Mobilidade, Accesibilidade e Medio Ambiente. Iria Cotelo será a responsable das áreas de Emprego, Promoción Económica, Comercio e Mercados.

A Xunta de Goberno complétase con Juan Ramón Martínez Castro, que asume a área de Medio Rural, Saneamento e Abastecemento de Auga, Sector Forestal e Mantemento de Espazos e Zonas Verdes, e con Lara Fernández Fernández-Noriega, que atenderá as áreas de Benestar Social, Inclusión e Cohesión Social, Servizos Culturais e Dinamización Cultural, Sanidade, Infancia, Muller e Igualdade.

Soledad Rey Yáñez continuará coa xestión da área de Turismo, e Eleazar José Rodríguez Abuín con Deportes.