O BNG demanda a posta en marcha dun plan de actuación ambiental na contorna do paseo fluvial do rio Landro

Seve Salgueiro no paseo fluvial
Seve Salgueiro no paseo fluvial

No BNG de Viveiro aseguran que a contorna deste paseo está sendo invadida por especias como o eucalipto ou o "plumacho"

O BNG demanda a posta en marcha dun plan de actuación ambiental na contorna do paseo fluvial do rio Landro

Os nacionalistas denuncian que o ecosistema fluvial que conforma o paseo fluvial do río Landro, incluído na Rede Natura 2000 e na Zona de Especial Conservación (ZEC), está sufrindo o crecemento e expansión de especies foráneas e invasoras, principalemente eucaliptos e cortadeiras selloanas, ou máis coñecidas popularmente como “plumachos”, co consecuente perigo e ameaza que isto supón para ás árbores autóctonas e a biodiversidade deste espazo de especial conservación.

Demandan a actuación urxente neste espazo natural e propóñenlle á alcaldesa socialista, María Loureiro, a posta en marcha dun plan de actuación ambiental na contorna do paseo fluvial do río Landro que inclúa, nunha primeira fase, as seguintes actuacións:

  1. Identificación das especias invasoras existentes e sobre as cales é posible actuar. Como a tala dos eucaliptos.
  2. Identificación e eliminación, polos medios axeitados, dos plumachos así coma de todas as demáis especias invasoras.
  3. A repoboación da zona con árbores autóctonas propias da ribeira.
  4. O estudo e catalogación das especies de flora e fauna desta contorna para poñer en valor a súa biodiversidade e dar a coñecer o o seu alto valor ecolóxico, promovendo a súa conservación e protección.
  5. O seguimento e control ambiental da zona.